Падрабязна тут: http://belsat.eu/be/wiadomosci/a,18040,iak-vystaiau-maidan-i-shto-chakaie-ukrainu-videa.html

Увечары сілавікам удалося адкінуць маніфестантаў за барыкады Майдану. Праз мегафоны яны абвесцілі, што распачынаюць «антытэрарыстычную аперацыю». Нягледзячы на некалькі спробаў штурму, разагнаць Майдан не ўдалося.

Уначы лідары украінскай апазіцыі ездзілі на перамовы з прэзідэнтам Віктарам Януковічам. Яны меліся запрапанаваць прыпыніць гвалт і абвесціць перамір'е. Аднак перамовы скончыліся нічым: Януковіч запатрабаваў ад апазіцыянераў адхрысціцца ад «радыкальных колаў», інакш далейшыя перамовы «будуць выглядаць інакш». Нягледзячы на вялікую колькасць ахвяраў і пацярпелых, Януковіч заявіў, што ён з'яўляецца прыхільнікам мірных рашэнняў і адмовіўся ад прапановаў сваіх памочнікаў выкарыстаць сілавы варыянт вырашэння канфлікту.